وأخيرا انتهى نص المشوار ، أوفّ أحس بإحساس اللي راكض عشرة ك !
الأجواء متعبببة .. وتهد الحيل !
الحمدلله أعتبر نفسي للآن مُننننننجِزَة ..
للآن اختباراتي جميلة هي مادة الشعر اللي بأحملها ..
جدا فاقدة الأمَل منها ..
بكرة عندي امتحان الدراما .. للدكتور أسامة الله يخليه لقسمنا
مادة الدراما ثقيلة مافيها أي متعة ولا لها معنى مجرد ثقل ع النفس
وكثرة كلآم ، حتى والدكتور يحاول يسهلها تبقى غثاثتها فيها لا إله الا الله !
للحين مابعد بديت من أمس أحاول لكن أعجز ذهني مشتت لأبعد حدّ ..
مممم المسرحية اللي ندرسها عن شخص اسمه everyman
هذا الشخص له الكثير من الأصدقاء وهو رجل صآلح يفعل أعمال الخير ..
و لما جاه ملك الموت وقال له لأنك رجل صالح بأعلمك إني بأقبض روحك
و مجرد ماعرفوا أصدقاه الا تخلوا عنه كلهم ومابقى معه أحد
فجاته الأعمال الصالحة وقالت له لازمني ألازمك وأكون أنيستك بعد الموت
ويكون الله معك .. المهم ان إڤري مان سمع الكلام و راح اعتزل الناس
وجلس يتعبد بالكنيسة إلى أن أخذ الله روحه !!
طبعا كاتب المسرحية مجهول ، والرهبان والباحثين حقون الكنييسة طلعوا هالمسرحية
بالصدفة وصاروا يستخدمونها كوسيلة لهداية المسيحيين
خلال المسرحية يدور حوار بين الموت والملاك و الرجل والأعمال الصالحة
وتأنيب الضمير والإله ..
ايوه مختصر المسرحية هذا لكن التدقيق بالمذاكرة حاجة مملة جدا ..
عكس الرواية الرواية مرة حلوة ...
ياملح جليفر بس عو وكشّته ورحلاته ... خخخ
زين يلا بعد الكلام بروح اذاكر ، و يآرب تسهل علي وتوفقني
وتيسر أمري وكل من أحب ............
/
تـــَــرآتِيــلُ بَــوْح ...
ليست هناك تعليقات:
إرسال تعليق