جُنُون حَرْفٍ مَسْعُور ! ،،،

وآخـر خضار العمر لآول جفافه
سلم ثلاثين التعب واعترف لي
الشيب لآح .. وكل عمر وضفافه
وآخذت أعيد اللي مضى وانعزف لي
لحنٍ كسى كل الضلوع ارتجافه
مثل العتب ليه التعب ما خلف لي
رفيق عمري ... عمري وصرت اخافه
و لآبقى غيرك طموح وشرف لي
محتاج لك خل العتب والكلآفه
يكفي عتب حالي لحالي وشف لي
من صوتك الدافي حنان ولطافه
محتاج احس أن الزمان انتصف لي
ولآ تلحق دموعك علي بحسافه
لآ صار قدري قد ما ينذرف لي
في غيبتك .. تزداد الآشياء صلآفه
وفي غيبتك يا كثر ما ينكشف لي
وأزيد أنا حـزن .. هموم .. ونحافه
وآقف على جال التعب وأغرف لي
يا بوح شعري يا بعد نبض قافه
من غير ما آحلف لك ولآانت تحلف لي
كذا الزمان اللي سمانه عجافه
وأن قلت لي حاول بعد وآعترف لي
آقول لك وبصدق ينزف لي حسافه
( كبير لكن الزمن ما عرف لي )